Dil tujhe naaz hai jis shakhs ki dildaari par
Dekh! ab woh bhi utar aayaa adaakaari par
Dekh! ab woh bhi utar aayaa adaakaari par
MaiN ne dushman ko jagayaa to bahut tha lekin
Ehtejaajan nahiN jaaga meri bedaari par!!
Ehtejaajan nahiN jaaga meri bedaari par!!
Aadmi aadmi ko khyaaye chala jaataa hai
Kuchh to tahqeeq karo is nayi beemari par
Kuchh to tahqeeq karo is nayi beemari par
Kabhi is jurm pe sar kaaT diye jaate the
Ab to in’aam diya jata hai Ghaddaari par
Ab to in’aam diya jata hai Ghaddaari par
Teri qurbat ka nasha TooT raha hai mujh mein
Is qadar sahl na ho tu meri dushwaari par
Is qadar sahl na ho tu meri dushwaari par
Mujh mein yuN taaza mulaqat ke mausam jaage
Aayiina haNsne lagaa hai meri taiyyari par
Aayiina haNsne lagaa hai meri taiyyari par
Koi dekhe bhare baazaar ki veerani ko
Kuch na kuch muft hai har shai ki kharidari par
Kuch na kuch muft hai har shai ki kharidari par
Bus yahi waqt hai sach munh se nikal jaane do
Log utar aaye hain zaalik ki tarafdaari par....
Log utar aaye hain zaalik ki tarafdaari par....
Comments: 0
Post a Comment